នគរបាលខេត្តកំពង់ស្ពឺ ឃាត់ខ្លួនជនសង្ស័យ២នាក់ ករណីកាប់បុរសម្នាក់ស្លាប់នៅកន្លែងកើតហេតុ
03-January-2020 | ដោយ ពលមនសិការ
កំពង់ស្ពឺ៖ កម្លាំងអធិការដ្ឋាននគរបាលស្រុកសំរោងទង សហការជាមួយកម្លាំងការិយាល័យព្រហ្មទណ្ឌកំរិតធ្ងន់ នៃស្នងការដ្ឋាននគរបាលខេត្តកំពង់ស្ពឺ ស្រាវជ្រាវឃាត់ខ្លួនជនសង្ស័យ២នាក់ ពាក់ព័ន្ធករណីឃាតកម្ម កាលពីថ្ងៃពុធ ០៧កើត ខែបុស្ស ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០១ ខែមករា ឆ្នាំ២០២០ វេលាម៉ោង១៧និង៥៥នាទី នៅភូមិកាហុន ឃុំខ្ទុំក្រាំង ស្រុកសំរោងទង ខេត្តកំពង់ស្ពឺ។
លោកវរសេនីយ៍ឯក ឃុត សុផល អធិការស្រុកសំរោងទង បានឲ្យដឹងថាជនរងគ្រោះឈ្មោះផាន ខាវ ភេទប្រុស អាយុ២១ឆ្នាំ រស់នៅភូមិកាហុន ឃុំខ្ទុំក្រាំង ស្រុកសំរោងទង ខេត្តកំពង់ស្ពឺ បានជិះម៉ូតូ០១គ្រឿង ម៉ាកហុងដាសេ១២៥ ផលិតឆ្នាំ២០១៧ ឡើងតែមឆ្នាំ២០១៩ ពណ៌ខ្មៅ ពាក់ស្លាកលេខភ្នំពេញ1GD-3624 ឌុបឈ្មោះកិ ឆេម ភេទប្រុស អាយុ២៣ឆ្នាំ(ជនរងគ្រោះសព) រស់នៅភូមិជាមួយគ្នា ចេញពីភូមិក្រាំងអំពិល ឃុំស្គុះ ស្រុកសំរោងទង ខេត្តកំពង់ស្ពឺពីត្បូងមកជើង មកដល់ចំណុចតាមផ្លូវលេខ១៤,៤០ ស្ថិតនៅភូមិក្រាំងស្នួល ឃុំព្នាយ ស្រុកសំរោងទង មានជនសង្ស័យមិនស្គាល់អត្តសញ្ញាណចំនួន០២នាក់ ជិះម៉ូតូ០១គ្រឿងម៉ាកហុងដាសេ១២៥ ផលិតឆ្នាំ២០១៩ ពណ៌ខ្មៅ មិនចាំស្លាកលេខ(កាំបន្ទះខ្នងតូចពណ៌ខ្មៅ) មកដល់ចំណុចខាងលើបានយកកាំបិតផ្គាក់កាប់ទៅលើជនរងគ្រោះបណ្ដាលអោយត្រូវកញ្ចឹងកធ្លាក់ពីលើម៉ូតូស្លាប់។
លោកអធិការបន្តថា លុះមកដល់ថ្ងៃទី០២ ខែធ្នូ ឆ្នាំ២០២០វេលាម៉ោង១២នឹង៣០នាទី កម្លាំងអធិការដ្ឋាននគរបាលស្រុកសំរោងទង សហការជាមួយកម្លាំងការិយាល័យព្រហ្មទណ្ឌកំរិតធ្ងន់ បានស្រាវជ្រាវឃាត់ខ្លួនជនសង្ស័យម្នាក់ឈ្មោះឆុន ថៃ ហៅប៉ាន់ ហៅតុ ភេទប្រុស អាយុ២០ឆ្នាំ រស់នៅភូមិតាំងក្រសាំង ឃុំព្នាយ ស្រុកសំរោងទង ខេត្តកំពង់ស្ពឺ។
បន្ទាប់មកសមត្ថកិច្ចបានបន្ដឃាត់ខ្លួនបក្ខពួកម្នាក់ទៀតឈ្មោះគឹម សត្យា ហៅជេ ភេទប្រុស អាយុ១៩ឆ្នាំ រស់នៅភូមិប៉ែលហែល សង្កាត់សុព័រទេព ក្រុងច្បារមន ខេត្តកំពង់ស្ពឺ ក្រោយពេលសាកសួរជនសង្ស័យខាងលើបានឆ្លើយសារភាពថាពួកខ្លួនពិតជាបានយកកាំបិតផ្គាក់(ដងឈើវែង)កាប់ទៅលើជនរងគ្រោះបណ្ដាលអោយស្លាប់នៅចំណុចតាមផ្លូវម្ដុំភូមិត្រពាំងគិន ឃុំព្នាយ ស្រុកសំរោងទង ខេត្តកំពង់ស្ពឺ ពិតប្រាកដមែន។
វត្ថុតាងដកហូត៖ កាំបិតផ្គាក់ចំនួន០១ដងឈើ និងម៉ូតូ០១គ្រឿងម៉ាកហុងដាសង ផលិតឆ្នាំ២០១៩ ពណ៌ខ្មៅ។ បច្ចុប្បន្ន កម្លាំងជំនាញកំពុងសាកសួរ និងកសាងសំណុំរឿងចាត់ការតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ11411
- ម្សិលមិញ15681
- សប្តាហ៍នេះ70251
- ខែនេះ92131
- ឆ្នាំនេះ92131
- សរុប20534587